Galeria
Telefoni juaj mbështet një sistem dixhital të menaxhimit të të drejtave (DRM) për të
mbrojtur përmbajtjen e marrë. Kontrolloni gjithmonë kushtet e dërgimit të çdo
përmbajtjeje dhe çelësin e aktivizimit përpara se t'i merrni ato, sepse mund t'i
nënshtrohen një tarife.
Menaxhimi dixhital i të drejtave
Pronarët e përmbajtjes mund të përdorin lloje të ndryshme teknologjish të menaxhimit
dixhital të të drejtave (DRM) për të mbrojtur pronësinë e tyre intelektuale, duke përfshirë
dhe të drejtat e autorit. Kjo pajisje shfrytëzon lloje të ndryshme programesh DRM, për
të hyrë te përmbajtjet e mbrojtura me DRM. Me këtë pajisje ju mund të hyni në
përmbajtjen e mbrojtur me OMA DRM 1.0. Nëse disa programe DRM nuk arrijnë ta
mbrojnë përmbajtjen, pronarët e përmbajtjes mund të kërkojnë që të shfuqizohet një
aftësi e tillë e programit DRM, për të hyrë në një përmbajtje të re të mbrojtur me DRM.
Shfuqizimi mund të parandalojë përtëritjen e përmbajtjes së mbrojtur me DRM që është
tashmë në pajisjen tuaj. Shfuqizimi i programeve të tilla DRM, nuk ndikon në përdorimin
e përmbajtjes së mbrojtur me lloje të tjera DRM-je ose në përdorimin e përmbajtjes që
nuk mbrohet me DRM.
Përmbajtja e mbrojtur nga menaxhimi dixhital i të drejtave (DRM) shitet e shoqëruar
me një çelës aktivizimi, i cili përcakton të drejtat tuaja për të përdorur përmbajtjen.
Nëse pajisja juaj ka përmbajtje të mbrojtur me OMA DRM, për të bërë kopje rezervë të
çelësave të aktivizimit dhe të përmbajtjes, përdorni funksionin për kopjet rezervë të
Nokia PC Suite.
Metodat e tjera të transferimit mund të mos transferojnë çelësat e aktivizimit të cilët
duhet të rikthehen me përmbajtjen, në mënyrë që të mund të vazhdoni përdorimin e
përmbajtjes së mbrojtur me OMA DRM, pas formatimit të kujtesës së pajisjes. Ju mund
të keni gjithashtu nevojë të riktheni çelësat e aktivizimit në rast se prishen skedat që
ndodhen në pajisjen tuaj.
Shikimi i përmbajtjeve të Galerisë
Zgjidhni
Meny
>
Galeria
.