Informacioni për vërtetimin (SAR)
Kjo pajisje celulare i përmbush orientimet për
ekspozimin ndaj valëve të radios.
Pajisja juaj celulare është një radiotransmetuese dhe
radiomarrëse. Ajo është projektuar që të mos e kalojë kufirin
e ekspozimit ndaj radiovalëve që është rekomanduar nga
orientimet ndërkombëtare. Këto orientime janë zhvilluar nga
organizata e pavarur shkencore ICNIRP dhe përfshijnë kufijtë
e sigurisë të projektuara për të siguruar mbrojtjen e të gjithë
personave, pavarësisht nga mosha dhe gjendja
shëndetësore.
Orientimet e ekspozimit për pajisjet celulare përdorin një
njësi matëse të njohur si Koeficienti Specifik i Absorbimit, ose
SAR. Kufiri i SAR-it i deklaruar në orientimet e ICNIRP-së është
2,0 vat/kilogram (W/kg) për mesatarisht dhjetë gram ind.
Testet për SAR-in janë kryer duke përdorur pozicione
standarde të përdorimit, me pajisjen që transmeton në
nivelin më të lartë (të vërtetuar) të fuqisë së saj, në të gjitha
zonat e testuara të frekuencave. Niveli aktual i SAR-it të një
pajisjeje në funksionim mund të jetë më poshtë se vlera
maksimale, sepse pajisja është projektuar për të shfrytëzuar
vetëm fuqinë e kërkuar për të kapur rrjetin. Kjo sasi ndryshon
në varësi të një numri faktorësh si p.sh. nga distanca midis
jush dhe stacionit bazë të rrjetit.
Vlera më e lartë e SAR-it, sipas udhëzimeve të ICNIRP-së për
përdorimin e pajisjes në vesh është 0,96 W/kg.
Përdorimi i pajisjeve ndihmëse të pajisjes, mund të ketë si
rezultat ndryshimin e vlerave të SAR-it. Vlerat e SAR-it mund
të ndryshojnë në varësi të kërkesave kombëtare të raportimit
dhe testimit, si dhe bandës së rrjetit. Informacion shtesë për
SAR-in mund të jepet në informacionin e produktit në adresën
www.nokia.com.
32 Informacioni shtesë mbi sigurinë